بعد تسلم توروب مهامه.. الأهلي يفتح ملف التجديدات وملف الأجانب على الطاولة - شبكة جدة الإخبارية

تحدث الإعلامي أحمد شوبير عبر إذاعة «أون سبورت إف إم» عن تطورات ملف تجديد عقود عدد من لاعبي الأهلي، مؤكدًا أن النادي بدأ بالفعل في التحرك لتجديد عقود بعض العناصر التي تنتهي عقودها بنهاية الموسم الجاري.

وقال شوبير: "موضوع اللاعيبة اللي الأهلي بيفاوضهم زي الشحات وكوكا وعبد القادر، التلاتة عقودهم هتخلص السنة دي، فالأهلي يبدأ التفاوض معهم، لجنة التخطيط هتحط الأرقام المقترحة، وتتناقش مع كابتن وليد صلاح الدين".

وأضاف موضحًا دور مدير الكرة الجديد: "على فكرة يا جماعة، كابتن وليد صلاح مسئول عن كل ما يخص كرة القدم في الفريق الأول، عشان القصة تبقى واضحة تمامًا. هو اللي بيخلص مع لجنة التخطيط، بيحددوا القيمة المالية، شوبير عشرة قروش، فلان 12، وبيروحوا يعرضوا الأرقام دي على اللاعيبة، كمان دخلوا نظام البونص (المكافآت) في العقود الجديدة".

وتابع شوبير: "لسه محدش عارف الطريقة دي هتنجح ولا لأ، الدنيا لسه تتضح، لكن في شغل منظم جدًا داخل النادي".

أما عن موقف الأجانب في الفريق، قال شوبير: "ملف الأجانب بالكامل اتسلم للمدير الفني الجديد ييس توروب، وقالوله يا باشا استلم شغلك بقى. أهم حاجة في الملف ده هي قصة اليو ديانج، لأنه عقده خلاص قرب يخلص، ومن يناير يحق له التوقيع لأي نادٍ آخر، والقرار النهائي هنا هيكون في إيد توروب".

ويستعد الأهلي خلال الفترة المقبلة لحسم ملفات التجديد والرحيل داخل الفريق، في ظل استعداد النادي لانطلاقة الموسم الجديد تحت قيادة المدير الفني الدنماركي ييس توروب.