علق المنتج محمد العدل على صفقة انتقال أحمد سيد زيزو من الزمالك إلى الأهلي، مؤكدا أنها زي البطيخة.

وقال محمد العدل الذي حل ضيفا على الإعلامى عمر ربيع ياسين في برنامجه "مان تو مان": "تعاقد الأهلي مع زيزو، أنا واخد لاعب فري وموافق عليه جدًا، بص دي بقى اللي بأقول لك عليها أنت منتاش شايف الصورة بالكامل، لا أنا ولا أنت، اللي شايف الصورة كلها اللي راح تعاقد معاه، واللي خد آراء ناس، من أول مدير فني لكذا لكذا لكذا، وخد قرار إن أنا هتعاقد مع فلان".

وأضاف محمد العدل: برضو صفقة أحمد سيد زيزو زي البطيخة، كانت حلوة هناك، تيجي عندك تبقى وحشة، لكن أنا بأشوف إن زيزو مؤهل أن يكون أحد الأعمدة عندك، وبن نشرقي طبعًا إمام حدث ولا حرج من يوم ما جاء لك وهو أحسن لاعب موجود في مصر".