أثارت الفنانة فيدرا، حالة من الجدل خلال الساعات الماضية، وذلك بعد نشرها فيديو تتحدث خلاله عن نطرة المجتمع الشرقي للنساء عند الزواج في سن متأخر.

فيدرا تثير الجدل بفيديو عن زواج النساء

ونشرت الفنانة فيدرا، فيديو مثير للجدل، حول الحديث عن زواج النساء في سن كبيرة، وفقا  لما رصده موقع تحيا مصر، عبر صفحتها الرسمية على موقع التواصل الاجتماعي إنستجرام، قالت فيه: أنا مش قادرة أفهم إيه مشكلة الشرق الأوسط مع الست اتجوزت.. إزاي تتجوز وهي في السن ده؟ حبت.. عيب عليها، طيب أنتوا عايزينها تعمل إيه؟ تموت؟.

أنا معرفش أي حاجة بتقول إن الست بعد سن معين لازم ماتتجوزش وماتحبش وإنها لازم تموت، فكرة اللبس والحجاب، وتقعد في البيت وتحبس نفسها، محدش ليه دعوة دي حاجة ماتخصش حد غير الستات.

فيدرا تشيد بـ فيلم الهوى سلطان

وفي وقت سابق، حرصت الفنانة فيدرا، على الأعراب عن سعادتها بفيلم الهوى سلطان، الذي تم عرضخ خلال الفترة الماضية في دور العرض السينمائي، عبر منشور لها على حسابها الشخصي على موقع تبادل الصور والفيديوهات إنستجرام.

وكتبت الفنانة فيدرا في منشورها، عبر صفحتها الرسمية علة موقع التواصل الاجتماعي إنستجرام قائلة:  اولاً: مبروك لكل الناس اللي اشتغلوا في الفيلم ده، فيلم حدف السينما في حته تانيه خالص، لوحده كده مالوش شبه، انت قاعد بتتفرج على الشخصیات و علاقتها و مشاعرها والتطور اللي بتعدي بيه، هي اللي بتصنع الحدث قريب من القلب، فیلم طيب مريح شغوف، روحوا شوفوه.

فيدرا تتحدث عن سبب انتظامها في صلاة الفجر

وصرحت الفنانة فيدرا من قبل عن سبب انتظامها في صلاة الفجر قائلة: و كان عندي مشكلة في صحيان الفجر، معرفش أصحى الفجر، ولكن في مرة كنت قاعدة مع حد قالي أنتي عندك عكوسات عشان الكلاب، وساعتها كان عندي مشكلة في صلاة الفجر، فروحت البيت وقولت الراجل ده مش عايزة اشوفه تاني لأنه جاهل.

وتابعت فيدرا:  فنمت بدري ولمدة أسبوع كل يوم الفجر كلاب الشارع اللي أنا بأكلها تهوهو تحت الشباك، وبلاقي نفسي صحيت الفجر على الآذان، فبتوضى وأصلي، وبعد أسبوع الكلاب اختفت ولكن كنت اتعودت.